بقلم.. مصطفى فوزي
الورد اشتكى
من قلِّة القَطف فيه
و القمر اتقمص من قلِّة التشبيه
حيرة جعلتني أسأل
البشر مابقوش يحبوا ليه ؟
غريبة…
حُط الإيد في الإيد
و حرَّرها من كل قيد
عيش حياتَك
كأنَّك مولود من جديد
خلِّي بُكره و بعده عيد
غريبة…
القمر جميل
جماله ما يترسِم
سبب جماله
جعل الدنيا تتقسِم
ازاي جميل من غير ما يبتسم ؟!
غريبة…
وحيد طهقان من دُنيِتُه و المرض قارفه
و الوحدة مرض لعين بيتمني صرفه
وحدته زادت إتعمي
سألوه عن حبيبه اللي مات
صرخ و قال شايفه
غريبة…
و مع الجهل يزيد في الدين
الفَتْي و التأليف
يصدقه بس اللي إيمانه ضعيف
رقاصة و بتحلف
و الله أنا شغلي شريف
غريبة…
